Несреќа во градскиот јавен превоз во Скопје, девојче додека излегувала од автобусот била згмечена со вратата, шоферот најверојатно не видел дека уште некој се симнува од возилото.
Овој случај е пријавен во полиција.
– Во СВР Скопје, С.А.(42) од Скопје вчера пријавила дека околу 15.30 часот нејзината малолетна ќерка, при излегување од автобус на ЈСП, кој имал правец на движење од Бит Пазар кон Чаир, додека автобусот стоел, при симнување, била притисната од вратата, а потоа и паднала.
Девојчето веднаш било однесено во Градската општа болница каде лекарите и укажале помош.
Се работи на расчистување на случајот.
Пред месец дена во гардкиот јавен превоз беше повреден и еден дедо кој бил со тешки повреди однесен во болница.
Скопјанецот Г.Б. (77) паднал во автобус и се повредил.
Од полицијата информираат дека несреќата била пријавена вчера, а се случила на 10-ти месецов околу 13:30 часот.
-На ул. „101“ во Волково, во приватен автобус со бр.22, Г.Б.(77) од Скопје, кој бил патник во автобусот, паднал и се здобил со тешки телесни повреди, по што бил пренесен во Градската општа болница „8-ми Септември“ за укажување помош, информираат од полицијата.
Се работи на расчистување на случајот.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.