Исто како и Заев, и Ципрас купувал пратеници ?

Финаниски трансакции во парламентите во двете земји се спомнуваат за ратификацијата на Преспанскиот договор

Фото/Текст извор: ©ekhatemerini.com/магазин

Поранешната грчка министерка за надворешни работи Дора Бакојани денеска изјави дека владата нуди финансиски стимули на пратениците, кои не се членови на СИРИЗА, за нивна поддршка при гласањето доверба, пишува електронското издание на грчкиот весник Катимерини.

Во коментарот, даден за грчкиот телевизиски канал Скај, Бакојани рече дека премиерот Алексис Ципрас ќе обезбеди 151 глас за доверба на владата преку „политичка зделка“.

Дора Бакојани поранешната министерка за надворешни работи на Грција, која важи за силен противник на Преспанскиот договор, во септември 2018 година изјави дека ако Преспанскиот договор биде ратификуван ќе мора да го почитуваат бидејќи тоа е меѓународен договор.

Бакојани уште додаде и дека очекува владата да го внесе во парламентот и Договорот од Преспа, веднаш по гласањето доверба.

Според неа, Ципрас има поддршка од 145 пратеници од СИРИЗА и независната Катерина Папакоста, како и од четворица пратеници од Независни Грци и еден пратеник од партијата Потами.

Во истото интервју Бакојани вели дека очекува одржување на предвремени парламентарни избори во март.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.