Примариус Алберто Зангрило, кој работи во болницата „Сан Рафаеле“ во Милано, вели дека коронавирусот е сè уште присутен, скриен, но дека веќе не може да предизвика сериозна слика за болеста.

Тој посочува дека не значи дека секоја инфекција значи да се добие Kовид-19 и додава дека мора да продолжиме да живееме со коронавирусот.

Алберто Зангрило одржа прес-конференција на која зборуваше за коронавирусот, вакцината, италијанскиот одговор на пандемијата.

Како вие кои секојдневно се боревте со вирусот би го опишале Ковид-19?

Сарс-ков-2 е исклучително заразен вирус со кој мора да научиме да живееме. Смртноста од овој вирус е десет пати поголема од онаа на вирусот на грип, но е многу пониска од онаа на вирусот Сарс-1, кој исто така е многу помалку заразен.

Ова е подмолен вирус за кој малку знаеме, знаеме некои од неговите општи карактеристики, но тоа е само 50 проценти од она што треба да го знаеме за да можеме да кажеме дека сега сме мирни.

Што мислите за вакцините на кои работат многу држави, дали може наскоро да очекуваме безбедна вакцина која ќе не заштити?

Вакцината е фундаментална кога станува збор за вакви инфекции а тоа го покажува и грипот што го имаме секоја година, а вакцината е важна кај ранливата популација. Верувам дека карактеристиките на овој „Сарс-ков-2“, направија да треба подолг временски период за вакцината, така што еднаш реков дека се надевам дека вирусот ќе исчезне пред да се најде вакцината.Морам да подвлечам дека имаме сè повеќе докази дека овој вирус покажува некои посебни својства, имаме многу случаи на луѓе кои се опоравиле и потоа повторно биле позитивни, имунитетни одговори ни покажуваат дека овој вирус сè уште не е јасен.