Денеска се вапцаа првите јајца. Но она што треба да знаете за велигденските јајца е дека тие имаат пократок рок од свежите.

Тоа е така бидејќи со процесот на варењето на јајцата, се трга нивниот заштитен надворешен слој, па така самото јајце е по не отпорно на воздухот кој продира, како и бактерии, па може да дојде до труење со јајцата.

Тврдо вареното јајце може да остане свежо до 5 дена, доколку се чува во ладилник а ќе познаете дали е расипано по мирисот. Доколку зебележите дека варените јајца имаат непријатен мирис, кој потсетува на сулфур, веднаш фрлете ги. Ако јајцата се на собна температура, рокот им е 2-3 часа. За да бидете сигурни дека јајцата нема да се расипат откако ќе ги сварите и бојадисате,  и веднаш ставете ги во фрижидер.

Нутриционистите исто така предупредуваат од прејадување. Доколку постевте во тој случај, препорачуваат постепено да започнете со внес на мрсна храна и млечни производи. Исто така  внимавајте и на бројот на јајцата кои ќе ги изедете, ова посебно важи и за децата. Според нутриционистите, потребно е да внесете три јајца на ден и притоа да внимавате на внес на холестерол преку други производи. Инаку, јајцата се доста хранливи и претставуваат богат извор на протеини, витамини и минерали. Тие спаѓаат во исхрана која не се вари брзо. За едно јајце се потребни два до четири часа. Јајцата треба да ги комбинирате со зеленчунк, семки, маслиново масло, а никако со месо. Во салатите со јајца не треба да се додава мајонез. Најдобро е таквите салати да бидат што е можно помалку калорични, со повеќе зеленчук.