За два дена, коронавирусот ги одзеде животите на двајца браќа од Кавадарци на возраст од 21 и 25 годишна возраст. Овие вести ги потврдува и градоначакникот, Митко Јанчев.

Веста за смртта на браќата Ѓерѓеви го потресе Кавадарци.
Момчињата растеле заедно со нивниот постар брат и таткото, а мајка им починала млада, на околу 40 годишна возраст. Биле чесни луѓе и ценети граѓани.

Според информации од болницата од Кавадарци, момчињата имале апластична анемија, односно тешко крвно нарушување и спаѓале во високо ризичните групи.

„Ова е тажен ден за нашето Кавадарци. За жал денес изгубивме уште еден млад човек кој не успеа да се избори со оваа страшна пандемија.

Пред два дена го изгубивме Марјан Ѓерѓев на 26 годишна возраст, денес почина и неговиот брат Горан Ѓерѓев на 21 годишна возраст. Трагедијата е огромна и нема зборови кои можат да дадат утеха на семејството Ѓерѓеви во овие моменти.

Заедно со Советот на Општина Кавадарци изразуваме длабоко сочувство до таткото на починатите братчиња и нивниот брат и поширокото семејство. Пандемијата однесе два човечки животи на двајца браќа во период од 3 дена, немоќни сме да се бориме и да дадеме утеха. Уште еднаш изразуваме длабоко сочувство и стоиме на располагање за помош на семејството кое е погодено од огромна трагедија.

Да се чуваме сите и што поскоро да ги поминеме овие тешки денови“, вели Јанчев.