Дарко Каевски, претседателот на младината на СДСМ, вчера заедно со Александар Пандов, поранешен пратеник на ВМРО-ДПМНЕ, вчера беше гостин во емисијата Клик Плус на ТВ 21.

Во емисијата Каевски во еден момент се изјасни дека премиерот Зоран Заев, со својот потег за преспанскиот договор успеал да го постигне тоа што го постигнал ТИТО во СФРЈ.

Каевски го споредува Заев со Тито во контекст на тоа дека неговите родители секогаш говореле дека во времето на Јосип Броз Тито се чувствувале најмногу признаени и им било најдобро, па Каевски тврди дека ќе дојде време кога ние ќе кажуваме на нашите деца и внуци дека живеевме во времето на Зоран Заев кој заедно со Владата го решил деценискиот проблем на Македонија.

Ова го изјави вчера Дарко Каевски во дебата на ТВ21.

– Зоран Заев заедно со владата успеал да го реши деценискиот проблем, успеал да ги надмине сите оние препреки и бариери,успеал да покаже сериозна доза на лидерство,да се исправи пред сериозен предизвик,притоа нарушувајчи го сопствениот рејтинг се со цел оваа држава да биде интегрирана истакна Каевски.

Каевски додава дека со потпишување на договорот од Преспа, Заев направил добро за младите, тој единствено сакал младите да ја гледаат својата иднина тука, а не во странство.

На ваквата изјава на Каевски за цело време во кадар беше Александар Пандов, кој буквално се изнасмеа.