Новак Ѓоковиќ по 18-ти пат се закити со гренд слем титула, негова деветта на Австралија Опен.

Светскиот рекет број еден по деветти пат ја покори Австралија и дојде до својата 18-та гренд слем титула. Данил Медведев не успеа ниту да се закани.

Ѓоковиќ одигра сурово и прецизно и на крајот славеше во финалето кое траеше помалку од два часа со 3:0 во сетови – 7:5, 6:2, 6:2.

На Новак само еднаш во кариерата и тоа на „Ролан Гарос“ во 2010 година против Јирген Мелцер му се има случено да води со 2-0, а да загуби до 2-3 на гренслемите.

„Некогаш поминувавме повеќе време заедно. Повеќе трениравме во Монако. Сега веќе не ми се јавуваш така често. Се шалам, ти благодарам Данил за убавите зборови. Знам дека еден ден ќе освоиш грандслам титули, но ако може да се стрпиш две три години, да завршам кариера“, изјави Ѓоковиќ по освојувањето на титулата.