Бизнисменот Орце Камчев, осомничен во истрагата „Империја“ понудил 2,2 милиони евра како гаранција за да му биде вратен пасошот.

Одлуката ќе ја носи апелациониот суд во четврток. Камчев и претходно понуди слична сума пред кривичниот суд, но му беше одбиена..

Откако му беа одземени македонскиот и бугарскиот пасош, Камчев лани во мај успеа да добие времена нова патна исправа од Катица Јанева додека таа сè уште беше специјална обвинителка.

Случајот Империја е во фаза на истрага и го води обвинителката Лиле Стфанова.

Дали и какви истражни дејствија се преземаат и дали истрагата ќе финишира со обвинение, засега нема информации од државното обвинителство, кое го презеде случајот од СЈО уште во септември лани.

За потсетување СЈО го водеше случајот империја и во него беа осомничени Орце Камчев неговиот соработник Ненад Јосифовиќ директорот на „Ексико“ – Тодор Мирчевски, Цветан Панделески – директор на ЗК Пелагонија и за Зорица Арсовска – сметководител во фирмите на Камчев.

Но откако изби кримналната афера „Рекет“, Катица Јанева беше тргната од местото шеф на СЈО со тоа значи и запирање на случајот Империја, но Лиле Стефанова неодамна изјави дека случајот „Империја“ повторно ќе се најде пред обвинителството.