Жарко Караџовски, епидемиологот од Институтот за јавно здравје денеска изјави дека не се пријавени нови случаи на лица инфицирани со бактеријата МРСА.
Тој вели дека најважно е да не се крева паника бидејќи МРСА не е смртоносно заболување туку станува збор за инфекција.
По вчерашните 4 случаи пријавени за појава на бактеријата, денеска контактирал со Државниот санитарен и здравствен инспекторат од каде му било соопштено дека нема пристигнати пријави за новоинфицирани.
-Инфекцијата на кожа може да создаде нејзино воспаление и да се појават таканаречени чирчиња кои потешко се лекуваат и бараат подолготраен третман. Опасно би било да се добие МРСА кај штотуку родени бебиња заради фактот дека имаат многу чувствителна кожа и ако имаат кожни промени може да дојде до тешко воспаление на кожата. Оваа бактерија ако ја има во грлото и носот во голема количина може да направи бронхит и воспаление на белите дробови кои тешко се лекуваат, рече емидемиологот Караџовски.
Караџовски потенцираше дека МРСА е многу застапена во последно време, но нема простор за паника бидејќи за оваа бактерија да стане смртоносна треба да се исполнети повеќе услови односно се регистрира кај лица со нарушен имунитет, кај лица кои имаат други тешки заболувања, чие претходно заболување може да придонесе за отежнато и подолготрајно лекување. Оваа бактерија, нагласи, бара посебен третман, заради тоа што нејзината вирулетност е голема и бара изолација.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.