Катица Јанева дала наредба за издавање нов пасош за Камчев, МВР го издал

Двата пасоша на Камчев му се во Основниот суд Скопје 1. Барањата за враќање на патните исправи од осомничените во „Империја“ додека трае истрагата, судијата на претходна постапка во пракса ги одбива, не ги даваат ни Апелациониот суд по жалба.

Фото/Текст извор: ©магазин.мк фото сдк

Против поранешната специјална обвинителка Катица Јанева биле обезбедени докази дека таа, а не судијата на претходна постапка надлежен за „Империја“, дала дозвола МВР да му издаде нова патна исправа на првоосомничениот Јордан Камчев. Тој потоа ја пријави дека таа и Бојан Јовановски му зеле пари за услугата, за што добија кривични пријави и притвор- пишува СДК.

Јордан (Орце) Камчев (р. 24 јули 1970 во Скопје) — македонски стопанственик и претседател на Фондацијата „Илија Камчев“Претседател e на одборот на директори на „Аџибадем Систина“, извршен директор на „Орка Холдинг“
Во деведесите години Камчев е потпредседател на подмладокот на СДСМ. На изборите во 1998 година тој е кандидат за пратеник на СДСН во една од скопските изборни едеиници. Изборите ги губи од Данило Глигоровски (ВМРО-ДПМНЕ). Потоа го напушта активниот ангажман за СДСМ. Во 2003 година излегува од партијата.
Во истиот период неговиот татко е високо позициониран во ВМРО-ДПМНЕ.Орце Камчев, најпрво дал поткуп да не биде кривично гонет зашто наводно немал кај да пријави, а потоа стекнал доверба во премиерот Зоран Заев и кај него пријавил. Тоа го сторил откако поткупот покажал ефект и пасошот му бил вратен.

Ако побарал Камчев некој од двата одземени пасоша, судот постоело ризик да не му ги даде, па затоа во договор со Јанева и со милион ипол евра платени кај Бојан Јовановски, Камчев побарал нова патна исправа, од времен карактер.

Според законот, дозвола за нова патна исправа на лице кое е под истрага не дава судот, туку органот што ја води истрагата. „Империја“ ја водеше Специјалното обвинителство, што значи наредбата можела да ја даде и ја дала Јанева. Судот само ја препратил до МВР кое е надлежно за издавање нови патни исправи, а министерството ја спровело во мај 2019 година. Камчев и Јанева точно знаеле дека судот во ваков случај нема надлежност да не ја исполни наредбата на специјалната обвинителка под чија истрага беше „Империја“.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.