Ирена Фрчковска, адвокатка на поранешната специјална јавна обвинителка Катица Јанева, денеска потврди дека барањето за укинување на мерката притвор за нејзината клиентка е доставено до Судот и дека одлуката по барањето ја очекуваат до петок, кога истекува 30-дневната мерка притвор.

„Отпаднати се основите за определување мерка притвор и целта може да се постигне и со друга мерка, не мора да се оди со најстрогата по закон. Сметаме дека основите се отпаднати со самото нејзино разрежување од СЈО и од ОЈО Гевгелија. Сето ова е наведено во предлогот и ќе видиме каква одлулка ќе донесе Судот“, изјави Фрчковска.

Здравствената состојба на поранешната специјалната јавна обвинителка Катица Јанева е влошена, потврди нејзината адвокатка Ирена Фрчкоска во интервјуто за ТВ“21“.

Јанева која се наоѓа во притвор за “Рекет“ е под постојана терапија, а претходната недела во затворот “Шутка“ каде Јанева се наоѓа речиси еден месец била доставена и лекарската документација со цел здравствениот персонал да определи соодветна терапија.