Судијката Добрила Кацарска во вечерашното гостување во емисијата „360 Степени“ изјави дека Камчеви не барале правни совети од неа за случајот „Рекет“.
Според Кацарска ветинг во судството треба да има и оти на тоа не гледа како на притисок врз судската власт, ниту пак, мешање на извршната власт во судството.
„Во никој случај, ама баш во никој случај не го сметам тоа за притисок на извршната власт врз судиите, ниту мешање во работата на судиите. Не само сега, додека е оваа партија на власт и било која партија да е на власт моето мислење ќе биде такво. Сметам дека треба да има ветинг во судството“, вели Кацарска.
-Ниту мајката на Орце, Ратка Камчева, со која сум премногу блиска, секој ден се слушаме и гледаме, не ми спомнала ништо за случајот, вели Кацарска.
Според Кацарска, треба да има коренити реформи во судството, почнувајќи од самите судии.
„Ние судиите во овој период кога чекаме датум за преговори со ЕУ имаме улога и можност да помогнеме на нашата татковина на начин да работиме посовесно за да се смени перцепцијата на јавноста. И затоа мислам дека мојот начин на работа бил исправен“, вели Кацарска.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.