Даниел Кајмакоски заврши уште една тешка имитација во „Твоето лице звучи познато“ на највисоко ниво, кога се појави облечен како жена и „тверкуваше“ пред публиката и гледачите на телевизија.

Урош Ѓуриќ беше воодушевен од овој настап, а тој најверодостојно објасни дека пејачот бил перфектен со имитацијата, па дури и се „загрижил“ поради одличната трансформација во жена.

“Го знам ова видео, можам да кажам дека од шоу во шоу го подигаш нивото на својата презентација колку што можеш. Досега играше многу жени, од секси до дебели жени и секој пат беше брилијантен, ама веќе ме „загрижувате“, рече Урош како член на жирито.

Неодамна победникот на X Factor го фатија во небрано. Имено него  за време на снимањето на емисијата „Твоето лице звучи познато“ го снимија како со рацете покажа двоглав орел, кој е симбол на албанското знаме но всучност тој сакал да ги покаже ноктите и е фатен во афект.

По ваквиот потег, цела Србија се крена на нозе, додека пак од продукциската куќа „Емоушн“ сметаат дека нема ништо спорно во тоа.

„Нашето шоу е од забавен карактер и не дозволуваме пропаганда на било какви политички симболи и пораки. Да помислевме дека тука станува збор за тоа, веднаш ќе реагиравме“, велат од продукциската куќа за српските медиуми.

Од друга страна, Кајмакоски за Информер истакна дека не знаел што покажува со рацете.

„На фотографите им ги покажував своите лакирни нокти. Немав поим дека тоа е албански знак. Македонец сум, никогаш тоа намерно не би го направил“, додаде Кајмакоски.