Здравјето на севернокорејскиот лидер Ким Јонг-ун, наводно, е во вегетативна состојба откако тој претрпе неуспешна кардиоваскуларна процедура на почетокот на овој месец, изјави медицинскиот тим кој го лекува.

Додека во медиумите има поделени извештаи за здравјето на Ким, јапонскиот неделник „Шукан Гендаи“ во петокот објави дека член на кинески медицинскиот тим со седиште во Северна Кореја кратко ја објаснил ситуацијата.

Медицинскиот експерт рече дека за време на посетата на село на почетокот од овој месец, Ким одеднаш ги стиснал градите и паднал на земја. Лекарот, од кој бил придружуван водачот на Северна Кореја, веднаш го реанимирал на местото на настанот и Ким го однеле во најблиската болница.

Кина испрати тим во Северна Кореја, вклучувајќи медицински експерти кои ќе го советуваат, изјавиле четворица луѓе запознаени со ситуацијата. Јапонскиот неделник Шукан Гендаи тврди дека кинеските медицински експерти му помогнале на еден од докторите на Ким.

Делегација предводена од висок член на меѓународното одделение за врски на кинеската комунистичка партија го напушти Пекинг во четвртокот и се упати кон Северна Кореја.

Даили НК, веб-страница со седиште во Сеул, објави минатата недела дека Ким закрепнува откако поминал кардиоваскуларна процедура на 12 април, осврнувајќи се на неименуван извор во Северна Кореја.

Претставници на владата на Јужна Кореја и кинески службеник од одделот за врски расправаа за последователните извештаи според кои Ким е во сериозна опасност по операцијата. Јужнокорејските власти соопштија дека не пронајдоа никакви знаци на невообичаена активност во Северна Кореја.