Белгиската министерка за надворешни работи Софи Вилмес повика на разговор меѓу кинескиот амбасадор во Белгија денес, еден ден откако Пекинг санкционираше десет Европејци, дознава АФП од извор во белгиската влада.

Испратена е покана, закажан е состанок за попладне со кинескиот амбасадор, рече изворот.

Вчера Европската унија воведе санкции против четворица поранешни и сегашни лидери на кинескиот регион Синџијанг поради позицијата на ујгурското малцинство, а истото го сторија Велика Британија и Канада.

Пекинг одговори со санкционирање на десетмина Европејци кои ги обвини за „ширење лаги“ врз основа на студии што Кина ги смета за пристрасни.

Меѓу санкционираните се и пет члена на Европскиот парламент, како и белгискиот пратеник Самуел Коголати, кој минатиот месец поднесе предлог-закон за воспоставување „геноцид“ врз Ујгурите.

Шефот на белгиската дипломатија „остро ги отфрли“ санкциите на Пекинг, кои се одговор на мерките насочени кон „одбрана на човековите права“.

Санкционираните Европејци и нивните семејства имаат забрана за престој во континентална Кина, Хонг Конг и Макао.

Целта на Пекинг се и четири европски фондации, вклучително и Алијансата за демократии, данска институција водена од поранешниот генерален секретар на НАТО, Андерс Фог Расмусен.

Пекинг денес објави дека во текот на ноќта го повикал амбасадорот на ЕУ во Кина, Никола Чапуис, со цел „силно да ги осуди“ европските санкции „засновани на лаги и лажни информации“.