Капитенот на македонската ракометна репрезентација, Кире Лазаров го продолжи договорот со Нант до јуни 2021 година. Договорот на Лазаров истекуваше на крајот од оваа сезона, но францускиот тим ќе го задржи искусниот бек и во наредните две сезони бидејќи тамо го сметаат како еден од најдобрите играчи во клубот.
Најдобриот Македонски ракометар повторно ќе остане да игра за францускиот клуб Нант и го продолжи договорот до 2021 година.На Светското првенство, одржано во Франција, Лазаров бил најдобар стрелец, со постигнати 50 голови.
Лазаров за сајтот на клубот изјави : Среќен сум што соработката со Нант ќе продолжи во наредните две години. Дојдов овде бидејќи знаев дека тимот игра со карактер. Не беше лесно кога дојдов, дојдов со големи амбиции, но не зборував француски. За една година ситуацијата се смени многу. Сега во Нант се чувствувам многу добро, ми се допаѓа клубот и ги сакам неговите навивачи. Клубот расте секоја сезона и сигурен сум дека заедно ќе бидеме подобри во годините кои доаѓаат. Јас сум лојален човек и сакам да му вратам на клубот за довербата што ми е дадена, изјави Лазаров за сајтот на клубот.
Македонскиот репрезентативец дојде во Нант минатата сезона, по четири години во Барселона. Лани со Нант тој се пласираше во финалето на ЛШ.
Лазаров е капитен на ракометната машка репрезентација на Македонија и игра на позицијата десен бек. Тој е најдобар стрелец во историјата на светските првенства во ракомет.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.