Утврдување на Предлогот за одземање на мандатот на пратеникот Никола Груевски, поради неоправдано отсуство повеќе од шест месеци, е на дневен ред на денешната седница на собраниската Комисија за деловнички и мандатно-имунитетни прашања.

Од собраниски избори дознаваме дека официјалниот став на пратеничката група на ВМРО-ДПМНЕ е да бидат воздржани по однос на ова прашање се додека не се реши прашањето со одговорноста за нарачката на недозволени супстанци од страна на пратеникот Павле Богоевски. 

Вчера пратеникот и поранешен премиер Емил Димитриев изјави дека не може да гласа за одземање на мандатот на Никола Груевски бидејќи тој не му го дал.   

Седницата е закажана врз основа на претходно известувањето од претседателот на Собранието  доставено на 15 мај.

Според член 59 од собранискиот Деловник, за пратеникот кој неоправдано отсуствувал од седниците на Собранието повеќе од шест месеца, претседателот на Собранието ја известува Комисијата за деловнички и мандатно-имунитетни прашања. Предлог за одземање на мандатот на пратеник во овој случај, поднесува Комисијата за деловнички и мандатно-имунитетни прашања, во рок од 15 дена од денот на добивањето на известувањето од претседателот на Собранието, а по нејзиниот предлог за одземање на мандатот на пратеникот, Собранието води претрес на првата наредна седница.