Гордана Сиљановска Давкова победи во 47 општини во Република Македонија. ВМРО-ДПМНЕ е победник на овие избори, поразена е коалицијата на власт предводена од СДСМ и ДУИ, во која има над триесетина партии, стои во соопштението на ВМРО.

Од таму велат дека со првиот круг на изборите започнал бранот за промена, а граѓаните им кажаа не на криминалот и корупцијата. Како што се вели во соопштението граѓаните не би сакале претседател како Пендаровски кој е всушност ист како и актуелниот премиер Зоран Заев.

Граѓаните им кажаа не на криминалот, корупцијата и непотизмот. Граѓаните гласаа за право и правдина. Пендаровски изгуби затоа што е ист како Зоран Заев. Пендаровски не нуди ништо ново за државата, напротив нуди стагнација. На овие избори граѓаните  покажаа дека не се плашат на заканите и притисоците од власта. Граѓаните покажаа храброст и желба за подобра иднина. Со Пендаровски Македонија само ќе тоне, исто како што тоне во изминативе две години, стои во соопштението на ВМРО.

Од опозициската партија ги повикуваат неопределените граѓани да се одлучат да гласаат за професорката Силјановска Давкова.

Ги повикуваме граѓаните во вториот круг да му го зададат финалниот удар на СДСМ и да излезат со голема поддршка за Силјановска. Победа на Сиљановска значи почеток на крајот СДСМ. За право и правдина, за подобра иднина.