Светлана Јовановска се вработила во македонската амбасада во Брисел како офицер за комуникации. Инаку нејзиниот брат Борјан е еден од главните медиумски подржувачи на актуелната власт преку телевизијата 1тв во која работи и порталот Нова ТВ.

Борјан Јовановски му е кум на министерот Никола Димитров од актуелниот брак а е во блиска релација и со претседателскиот кандидат Стево Пендаровски уште од времето кога работеа заедно во кабинетот на покојниот претседател Борис Трајковски. Инаку Борјан Јовановски беше и голем медиумски промотор на т.н амстердамска тројка во која дел беше и Никола Димитров која се појави на почетокот на политичката криза во 2015 година и имаше за цел разнебитување на ВМРО-ДПМНЕ.  

Во времето на владеење на СДСМ, кога Радмила Шекеринска беше вицепремиер, се случи најголемата афера во македонското новинарство. Скандалозната афера беше наречена „Фабрика“. Тогаш, на неколку метри од зградата на Владата, во една куќарка, се пишуваа текстови, се уредуваа вести и се креираше перцепција во интерес на СДСМ.

Во аферата Фабрика каде биле ангажирани новинари да фабрикуваат текстови во корист на Владата на СДСМ, беа споменувани многу новинарски имиња меѓу кој и Горан Теменугов, Борјан Јовановски, Сабина Факиќ, Герман Филков и други. 

Да биде непотизмот уште поголем, нејзината ќерка Тања Милевска, по доаѓањето на СДСМ на власт, беше експресно вработена во државата новинска агенција МИА, како дописник токму од Брисел, град во кој со нејзината мајка живеат веќе подолги години.

Милевска, во неколку наврати беше откриена во пренесување на лажни вести преку државната новинска агенција.

Семејството Јовановски долги години се влијателна фамилија во медиумската сфера. Така своевремено Светлана Јовановска беше ангажирана во ВАЦ групацијата во поранешниот дневен весник Дневник, нејзината ќерка Тања Милевска беше известител за Канал 5 од Брисел, а Борјан беше уредник на емисијата Еврозум исто така од Брисел. Ова значи дека оваа фамилија своевремено го имаше ексклузивното право за известување од Брисел.