Поранешната претседателка на Хрватска, Колинда Грабар-Китаровиќ ќе биде избрана за Извршен одбор на Меѓународниот олимписки комитет на 17 јули, пишува index.hr.

Порталот наведува дека гласањето за кандидатите е формалност и дека таа ќе стане членка на Олимпискиот комитет.

Златко Матеча, долгогодишен претседател на хрватскиот олимписки комитет, за Индекс објасни дека членовите на Комитетот немаат плата, но дека им се исплатени патни трошоци и дневници во висина до 900 американски долари и дека имаат право на канцелариски трошоци и можат да ангажираат асистент.

Платената дневница не значи дека Колинда Грабар-Китаровиќ ќе добива по 900 долари секој ден, туку дека таа ќе ги добие тие пари ако Олимпискиот комитет ја испрати на службено патување.

Порталот потсетува дека Грабар Китаровиќ, откако не успеа да победи на претседателските избори, рече дека ќе остане во Хрватска и ќе се посвети на грижата за жените и децата. Таа требаше да добие канцеларија во улицата Висока на Загреб, но се откажа после зграда оштетена во земјотресот на 22 март.

Колинда Грабар-Китаровиќ ќе го добие законското право на целосна претседателска плата за еден месец, но бидејќи ангажманот во МОК не е вработување, таа ќе има право на половина од платата од џебовите на даночните обврзници за уште шест месеци.