Заклучувањето е преценето кога станува збор за забавување на ширењето на ковид-19, така што некои земји кои воведоа строги мерки сепак имаат многу голем број заразени лица, пишува Јутарњи лист.

Како пример е наведена Словенија, трета најлоша земја во светот според бројот на смртни случаи на милион жители.

Словенија навистина воведе строга делумна блокада, но сепак има повеќе од 1.160 смртни случаи на милион жители. И Белгија. Многу строгите мерки не им помогнаа на Италија, Перу и Шпанија, кои исто така спаѓаат во 10-те најтешко погодени од бројот на смртни случаи од вирусот корона, се наведува во текстот.

Ако работат радикални мерки, како е можно Белгија да има околу двапати повеќе смртни случаи од Шведска?

Швеѓаните и денес не носат маски, додека кафулињата и рестораните се отворени, тие спроведуваат мерки за кои сметаат дека се епидемиолошки ефикасни и признаваат дека во првиот бран погрешно процениле како да ги заштитат старите лица во домовите.

Одговорите не се толку едноставни, пишува Јутарњи и наведува дека прекумерното поедноставување произведува низа други ризици!