И по долги години јавноста се уште чита разни наслови поврзани со животот и смртта на Маршалот.

Така на пример многу мистериозно но и интереснно за јавноста е тоа што на гробот во кој е закопан Маршалот нема петокрака, која е симбол за неговото владеење. Тито долги години  војувал и владеел со овој симбол.

Според една теорија, ваквата желба била на инженерот Драгомир Гавриловиќ, кој во тоа време бил воодушевен и им се восхитувал на едноставните надгробни плочи во Англија, па сметал дека токму таква треба да биде и онаа на гробот на Тито. Тој предводејќи се од тоа што на гробот на големиот Вилијам Шекспиор стојат испишани само годините на раѓањето и смртта, покрај името и презимето решил и за Јосип Броз Тито да стави натпис во таков стил. 

Според една друга теорија раскажана од Јосип Јошко Броз, за порталот znet.hr: петокраката била заборавена.

“Затоа што поради грешка при погребот кога била правена првата варијанта не била ставена плоча, туку била од два дела како кутија пресечена на половина. А потоа не можело да се стави петокраката, бидејќи ќе седела на средина и ќе била искривена. После тоа сосема се заборавило на тоа”.

Според третата теорија наводно Тито бил таен верник. Жарко Петан, словенечкиот книжевник тврди дека всушност Маршалот непосредно пред смртта побарал свештеник.

“Додека Јосип Броз лежел во љубљанскиот Клинички центар”, пишува Петан, “во февруари 1980-та година, посакал да разговара со свештеник! Задачата црквата му ја доделила на Франчек Крижник, тогаш познат и како јавен противник на атеизмот. Крижник го прифатил повикот од Клиничкиот центар, но безбедносната служба на чуварите на Тито не му дозволила приод. Кога Броз ја повторил желбата, свештеникот дошол и долго разговарал со Тито. Наскоро, во март, Крижник отишол на студиско патување во Германија, каде на 28-ми март загинал под нејасни околности, под тркала на камион во Дизелдорф. Очигледно приказната за состанокот припадниците на КОС сакале да ја прикријат”, заклучил Петан.

Извор: Точка.мк