Откако првиот човек на РК Вардар, Сергеј Самсоненко изјави дека дава оставка, се шпекулираше за новиот сопственик.

Денеска во јавноста излезе веста дека наводно бизнисменот Хари Костов влегува во ракометниот првак и го презема управувањето со РК Вардар, но ова се неофицијални информации до кој дојде порталот Скопје Инфо од извори во клубот.

Како што објави порталот, блиски нивни извори брифираат дека клубот преговара и со други поголеми спонзори, но речиси е сигурно дека Комерцијална Банка ќе биде главниот спонзор на Вардар и дека работењето со клубот ќе го менаџира успешниот банкар Костов.

Ваквата промена во структурата на македонскиот ракометен првак Вардар, дојде по најавата дека Сергеј Самсоненко се повлекува од клубот и информациите дека најголемиот дел од ракометарите спасот си го бараат во трансфер и потпишување договори со други клубови.

Но само по неколку дена од неговата оставка, беше објавено дека „црвено-црните“ повторно ќе се застанат на нозе од сезоната 2020/21, откако се појави можност да остане и сега веќе поранешниот прв човек на клубот, Самсоненко но со помал удел, но и да се приклучат уште неколку други моќни компани за финансирање на РК Вардар.

Фановите на ракометниот првак со нетрпение ги чекаат последните натпревари на РК Вардар кои ќе се одиграат на крајот на месец мај, како дел од финалето на Лигата на шампионите.