Кога станува збор за коронавирусот се уште има многу прашања кои ги мачат луѓето. Имено поради тоа што станува збор за сосема нов и мутиран вирус з акои научниците се уште се обидуваат да дознаат кои се точните симптоми, последици и како се пренесува, вирусот кој буквално го зафати целиот свет.

Кога станува збор за купување на облека, секкао многумина се плашат парчето облека кое го пробуваат на себе дали претходно некој друг го пробал, кој можеби бил заразен со коронавирус.

На ова прашање одговор дава хрватскиот епидемиолог Крунослав Чапак според кој вели дека сепак трговците треба да смислат побезбеден начин за пробување на облеката. Тој дава предлог купувачите да ја пробуваат облеката дома. Напоменува дека најризично е кога облеката се облекува преку глава, бидејќи како што вели може да останат капки со коронавирусот ако некој од оние кои претходно ја пробувале облеката бил заразен.

– Каде што е можно да не се пробува облеката при купување, туку да се одбере соодветен број и да се земе дома и таму да се проба. Ако не одговара да се врати. Бидејќи вирусот не може да преживее подолги периоди надвор од живата ќелија, облеката која е пробана или вратена треба да биде ставена во специјално одредена просторија и таму да остане пет дена за да угине вирусот – вели Чапак.