Заразата од Корона сеуште не стивнува. Министерството за здравство информира дека во изминатите 24 часа направени се 286 тестирања, а регистрирани се 25 нови случаи на Ковид-19 и тоа во Скопје-16, Тетово-4, Струга-1, Велес-2 и Охрид-2 заразени. На Клиниката за инфективни болести починала пациентка  од Куманово (60г), хоспитализирана на клиниката од 27 април. Во ГОБ „8 септември“ починал пациент од Струга (59г), примен на 16 мај и уште еден пациент од Скопје (51г) хоспитализиран на 4 мај. Во моментов има 10 пациенти кои се во потешка здравствена состојба.

Вкупната бројка на ковид дијагностицирани во Македонија од почетокот на епидемијата изнесува 1817, бројката на оздравени пациенти е 1301, на починати е 104, а во моментов бројот на активни случаи во земјата изнесува 412. Заразата според општините е следнава:

• Скопје – 628, активни 152
• Куманово – 416, активни 31
• Дебар – 51, активни 0
• Штип-36, активни 2
• Прилеп –200, активни 63
• Тетово – 147, активни 79
• Струга – 70, активни 4
• Велес – 121, активни 50
• Битола –27, активни 8
• Охрид –21, активни 6
• Гостивар –19, активни 2
• Крива Паланка- 6, активни 2
• Кочани – 31, активни 4
• Неготино -9, активни 5 (7 заболени лица од ПЕ Неготино се жители на Демир Капија)
• Пехчево- 3, активни 1
• Валандово -1, активни 1
• Кратово-2, активни 1
• Берово-1, активни 1

Направените 286 теста се преку: ИЈЗ –165, Ветеринарен ф-тет -0, Авицена –0, Биотек -0, Филип Втори (Жан Митрев) –3, Систина со PCR метода  -18 и МАНУ -100.  Досега во земјата се направени вкупно 21722 тестирања на Ковид -19, но напоменуваме дека на некои пациенти се вршени повеќе од едно тестирање. Од вкупниот број на направени тестови во изминатото деноноќие 124 теста се направени во рамките на скринингот во градинките и сите се негативни.

На Клиниката за инфективни болести и фебрилни во изминативе 24 часа примени се 2 нови пациенти, хоспитализирани се вкупно 48 пациенти. Двајца пациенти се на механичка вентилација, 23 се потешко болни и на кислородна поддршка.

Во ГОБ „8 септември“ примени се 7 нови, а вкупно хоспитализирани 20 пациенти. На респиратор се 6 пациенти, со потешка клиничка слика се уште 2 пациенти. Во болницата во Битола се хоспитализирани 7, на домашно лекување се следат уште 2 пациенти. Во болницата во Штип се хоспитализирани 4 пациенти, нема пациенти кои се следат на домашно лекување. На ифективните одделенија во Тетово, Велес, Куманово, Охрид и Прилеп се хоспитализирани  47 пациенти позитивни и сомнителни на ковид-19.