Централниот Комитет на ВМРО-ДПМНЕ по предлог на претседателот на партијата, Христијан Мицкоски вчера на попладне го изгласа Ѓорѓија Сајкоски за нов генерален секретар партијата.

Сајкоски е роден во Кичево, во својот роден град бил претседател на општинскиот Совет од 2009 до 2013 година, бил заменик-министер за локална самоуправа и директор на јавното претпријатие „Студенчица“. Во последниве десет години тој е претседател на општинскиот комитет на партијата во Кичево, објави Локално!

Тој има извршувано и повеќе партиски функции и тоа бил член на избирачки одбор номиниран од ВМРО-ДПМНЕ во сите изборни циклуси од 1998 до 2006 година.

Бил претседател на Месен Комитет Девеана, во склоп на ОК ВМРО-ДПМНЕ Кичево од 2004 до 2008 година. Исто така Сајкоски бил претседател на комисија за култура под ОК ВМРО-ДПМНЕ Кичево од 2004 до 2010 година.  Претседавал со Советот на Општина Кичево и бил исто така координатор на советничка група на ВМРО-ДПМНЕ од 2009 до 2013 година. Членувал во Комисија за локална самоуправа од 2010 до 2014 година. Сајкоски исто така бил и потсекретар период од 2011 до 2015 година. А, е претседател на ОК ВМРО-ДПМНЕ Кичево 2010 до 2020 година.

Сајкоски доаѓа на местото на Игор Јанушев, кој си замина од оваа функција наброзо по изборот на новата Влада на СДСМ, на која тој и се закануваше со „политички пекол“!

Централниот Комитет на ВМРО-ДПМНЕ го изгласа Ѓорѓија Сајкоски за нов генерален секретар на партијата.

Ѓорѓија Сајкоски е роден во Кичево и е доктор на историски науки. Сајкоски е долгогодишен член на ВМРО-ДПМНЕ, пратеник во сегашниот состав на Собранието.

Сајко нека е со успех позицијата, нѐ чека многу работа и заеднички битки. Се до конечна победа над мафијата, напиша лидерот на ВМРО-ДПМНЕ, Христијан Мицкоски!

Сајкоски исто така изрази благодарност за доведбата што му беше дададена од страна на централниот комитет и претседателот Мицкоски и изјави дека за него е посебна чест што ќе ја извршува оваа функција!

Почитувани членови, симпатизери, пријатели, браќа и сестри:
Сакам да ја изразам мојата огромна благодарност за довербата што ми е дадена од страна на Централниот комитет и претседателот Христијан Мицкоски за да ја извршувам функцијата генерален секретар на ВМРО-ДПМНЕ.
За мене тоа претставува посебна чест и задоволство, но истовремено и обврска, заложба и борба за конечен пад на оваа не народна власт.
Претстои период на партиско сплотување, зајакнување на структурите и политики кои ќе произлегуваат од народот и за народот. Ветувам дека ќе биде отворена вратата кај мене за сите членови, симпатизери и нови луѓе, добронамерни луѓе со кои заедно ќе ја поразиме оваа власт.
Одиме заеднички во победи!
Да живее ВМРО – ДПМНЕ!
Да живее МАКЕДОНИЈА, напиша Сајкоски!