Дваесет и три годишно момче од струшкото село Поум завчера доцна попладне починал од истрели од огнено оружје. Според информациите за Алсат од Свр Охрид,настанот се случил денес околу 18.40 часот , кога лицето У. В. (роден 1997) од с. Поум пукал кон З. Б. (1996) и В. Б. (1973) како и кон други лица. 23- ти годишниот З. Б. Починал, а В.Б. е пренесен во општата болница во Струга

ОБНОВЕНО 2,03,2018. 18,00

Надлежниот јавен обвинител од Основното јавно обвинителство – Струга донесе наредба за спроведување истражна постапка за уште две лица поради постоење  основано сомневање дека сториле кривично дело Убиство, а еден од осомничените и за кривично дело недозволено изработување, држење и тргување со оружје или распрскувачки материи од Кривичниот законик

.Од Основното јавно обвинителство информираат дека во текот на истрагата во врска со завчерашното убиство во струшкото село Поум, надлежниот јавен обвинител од Основното јавно обвинителство Струга во координација со Министерството за внатрешни работи дојде до нови сознанија што укажуваат дека осомничениот не го сторил делото сам. Имено, во извршувањето на убиството учествувале уште две лица кои се во роднинска врска со веќе осомниченото лице.Осомничените, како што наведуваат, се лишени од слобода и јавниот обвинител ценејќи дека се исполнети законските основи ќе достави предлог за определување на мерката притвор за двете лица

Лицето кое што пукало У.В. како што  изјавија од полицијата за Алсат сам се пријавил во Полициската станица во Струга. Се преземаат мерки за расчистување на случајот гласи соопштението од полицијата.

Според неофицијлни информации настанот се случил при сеча на дрва во околната шума. Неофицијално двете страни уште  од порано имале меѓусеби недоразбирања поврзани со имоти насадени со дрва.

Според податоците на Државниот завод за статистика, во Република Македонија бројот на умрените лица од насилна смрт е намалена за 15.3 % во однос на претходната година и изнесува 421 умрено лицe. Умрените од насилна смрт во вкупниот морталитет учествуваат со 2.1 %.

Во структурата на умрените од насилна смрт според полот, и во 2017 година, како и во претходните години поголемо учество имаат машките лица, и тоа 75.1 %.

Во вкупниот број случаи на насилна смрт, најголемо учество имаат „Несреќните случаи“, со 66.0 %, потоа  „Самоубиствата“, со 26.4 % и „Убиствата“ со 7.6 %.

Во категоријата „Несреќни случаи“, на прво место се умрените лица од „Други надворешни причини за случајна  повреда“, со учество од 26.1 %.