Еден палестински тинејџер денеска е убиен во Газа, а ранети се повеќе од 200 лица, додека пак 46 лица се повредени со огнено оружје.

Десет илјади Палестинци денеска се собраа на границата помеѓу појасот на Газа и Израел, на обележување на годишнината на протестот против израелската и египетската блокада. 

Израелската војска денеска соопшти дека околу 40.000 лица протестираа во Газа и биле наоружани со ножеви, експлозиви и гранати.

Организаторите на протестот најавија дека протестите ќе ги организираат секоја година по ред и дека нема никогаш да се откажат.

Израелската војска наведе дека Палестинците напаѓале со експлозивни направи кај граничната ограда, на што војниците одговарале со средства за растурање на нередот.

Комитетот повторно ги повика Палестинците да дојдат наредниот петок и да протестираат. 

Демонстрантите ги повикуваат палестинските избеглици да дојдат на сегашната израелска територија за прекинување на блокадата помеѓу Израел и Египет, воведени од 2007 година, кога Хамас со сила ја презеде контролата над Газа. 

Денеска имаше протести и во Израел во градот Сакхнина на северот каде што живеат Арапи, Палестинци кои останаа во своите домови после остварувањето на Еврејската држава во 1948 година.