Во скопската населба Чаир вчера се случил крвав инцидент, 13-годишно дете било рането при тепачка.

Како што соопштуваат од МВР, вчера околу 22.50 часот во Секторот за Внатрешни Работи Скопје било пријавено дека пред бурекџилница на ул.„Емин Дураку“ неколку непознати лица физички нападнале 13-годишно момче од Скопје.

Притоа, едно од лицата со остар предмет му нанел убодни рани во грбот и левата рака. Малолетникот бил пренесен во Градската општа болница „Св.Наум Охридски“ каде му била укажана помош и бил задржан на лекување.

Полицијата работи на случајот и ги превзема сите потребни мерки за сторителите.