Попладнево момче од Скопје се обидело да се убие во црква во населбата Бутел, дознава 24 Инфо.

Инцидентот го потврдија од МВР од каде информираат дека станува збор за 22-годишниот И.Д кој бил пренсен на Ургентиот центар на Клиникта „Мајка Тереза“, откако нешто пред 17 часот во еден од тоалетите во новата црква „Раѓање на Свети Јован Крстител“, кој беше отворена минатиот месец, се обидел да се убие со нож, сечејќи ги вените.

Полицијата го затекнале момчето целото облеано во крв, по што веднаш со возило на Итната помош било пренесено во болница.

Според податоците на Министерството за внатрешни работи, минатата година во државава бил регистриран пораст на бројот на самоубиства, во однос на 2017 година.

Во текот на минатата година биле извршени 121 самоубиство, од кои 29 во Скопје, 20 во Штип, 18 во Струмица, 16 во Битола, 14 во Куманово и по осум во Велес, Охрид и Тетово, додека во 2017 година биле регистрирани 103 самоубиства.

Во 2016 година во земјава биле извршени 136 самоубиства и 177 обиди за самоубиства.