Кривична пријава против поранешната директорка на Клиниката за дерматологија Нина Цаца Билјановска поднесе МВР, која спротивно на препораките од Владата по враќање од Италија не се самоизолирала и пет дена одела на работа иако имала симптоми на Коронавирус.

Денеска техничкиот министер за внатрешни работи Наќе Чулев извести дека ексдиректорката се вратила од Италија на 29 февруари. Коронавирусот и беше потврден на осми март. Не само што одела на работа иако колегите и велеле дека ги загрозува со нејзината несовесност, таа присуствувала и на симпозиум на кој имало повеќе од 100 здравствени работници. Поради контактот со ексдиректорката блиска до СДСМ, во изолација се околу 200 лица.

-Против неа, како и против сите оние кои не ги почитуваат одлуките на Владата и решенијата за здравствен надзор, односно извршиле прекршување на членовите 205 и 206 од КЗ, е поднесен соодветен поднесок до ОЈО, истакна на денешната прес-конференција министерот за внатрешни работи Наќе Чулев.

Директорката на скопската Клиника за кожни болести, Нина Цаца-Биљановска кај која беше потврдено дека е позитивна на коронавирусот од свои колеги била пријавена во министерството за здравство.

Цаца Билјановска уште се лекува на Клиниката за инфективни болести.