На вчерашната вонредна седница на општина Шуто Оризари, градоначалникот Курто Дудуш рече дека својата јануарска плата ќе ја донира на семејства чии што куќи се целосно уништени од пожарот, а општинската администрација ќе одвои дел од својата плата, објави Сител.

На вонредната седница Советот донесе одлука да додели еднократна парична помош на три семејствата во висина од 30.000 денари, и за едно семејство еднократна парична помош во висина од 60.000 денари.

-Ја делиме болката на родителите и семејството. Сега ние сме должни на вас како родители, на уште две дечиња и на вашите соседи, кои ги изгубија своите домови да ви помогнеме да го вратите нормалниот живот назад, рече градоначалникот Дудуш на седницата.

Инаку вчера во пожарот во Шуто Оризари загинаа две дечиња на возраст од 3 и година и пол. Пожарот бил пријавен околу 13.25 часот. Кога избувнал пожарот паднал покривот и две дечиња починале на лице место. Први на помош пристигнале соседите кои успеале да спасат две деца. Ситуацијата ја отежнувало тоа што во населбата нема вода.

Курто Дудуш и е познат на јавноста по објавената снимка на која се слуша како тој наводно тепа граѓанин во неговата канцеларија. Дудуш ја одрекуваше вистинитоста на снимката која беше објавенаво јуни минатата година од страна на порталот Економски Лидер. Тој обвини дека снимката е монтирана.