Премиерот Зоран Заев вчера го смести Прилеп во Полог односно во Полошкиот регион, но брзо грешката му ја исправи министерот Горан Сугарески.

– Денеска јас сум овде во Полошкиот регион, изјави Заев, но Сугарески од позадина брзо му суфлираше дека Прилеп не е во Полошкиот туку во Пелагонискиот регион.

Премиерот Зоран Заев вчера го посети пелагонискиот регион, поточно општините Прилеп и Новаци.

Во Прилеп, претседателот на Владата присуствуваше и се обрати на настанот по повод пуштањето во употреба на еко автобуси во јавниот патнички транспорт во Општина Прилеп.

Во Новаци заедно со министерот за транспорт и врски, Горан Сугарески, направија увид во напредокот на работите на магистралниот гасовод, секција Неготино – Кавадарци – Прилеп – Битола.