Откако новиот претседател на државата Стево Пендаровски, го назначи за директор на Агенцијата за разузнавање Еролд Муслиу, од ДУИ реагираа дека смао по десет дена претседателот им “удри шлаканица”.

Партиски извори од ДУИ, за весникот Лајм потсетуваат дека Муслиу беше споменуван за да го преземе местото на директор и во 2011 година, во периодот на поранешниот претседател Ѓорге Иванов, но тогаш  ДУИ реагираше, оценувајќи го Муслио како несоодветен кадар за директорското место. Но, како што вели изворот за весникот Лајм, сега Иванов веќе не е претседател и очигледно влијанието на ДУИ во претседателството е многу послабо.

Весникот Лајм се обиде да го контактира раководстворо на ДУИ од каде засега нема некаква реакција во врска со назначувањето на Мусли како директор на Агенцијата за разузнавање.

„Високи извори во ДУИ денес за Алсат-М изјавија дека со сите сили ќе се спротивстават на евентуалната намера на претседателот за на чело на Агенцијата за разузнавање да го постави Еролд Муслиу. Според партијата на Ахмети на оваа позиција треба да биде именувана личност која има кредибилитет а не личности како Еролд Муслиу. „Актуелниот директор на Агенцијата за разузнавање има уште две ипол години мандат и нема никаква процедура за негово разрешување и назначување на некое друго лице. Ако евентуално дојде до промена на директорот на Агенцијата, воопшто неможе да стане збор за директор на оваа институција да биде Еролд Муслиу. Таму треба да биде назначен некој со кредибилитет а не некој кој учествувал во фалсификување на досијеа или производство на фалсификувани документи“, стоеше во реакцијата на ДУИ од 2011 година против Еролд Муслиу.