ЛЕВИЦА: НЕМА СИЛА ШТО МОЖЕ ДА ГИ НАТЕРА ОПШТИНСКИТЕ СОВЕТНИЦИ ДА ПОТПИШАТ ЗАКЛЕТВА СО „СЕВЕРНА“

Нема сила што може да ги натера општинските советници да потпишат заклетва со „Северна“ – бидејќи оваа придавка не постои во законскиот текст – велат од партијата Левица за  спроведениот надзор од  Државниот инспекторат за локална самоуправа во македонските општини каде свечените изјави на новите советници, се потпишани со името „Република Македонија“.

Според нив советници се должни да го почитуваат системскиот закон за локална самоуправа, а во чиј член 38 сè уште стои името „Република Македонија“ што според Левица значи дека, со ниту една одлука или решение на институциите на извршната власт не може и не смее да се натераат општинските советници да постапат спротивно на текстот на законот.