Лозарите од Тиквешијата денеска на плоштадот во Кавадарци одржаа мирен протест . Ги искажаа своите барања да им се исплати грозјето предадено во 2015 и 2016 година во „Стефани винарија“ и „Повардарие“. Ако нивните барања не бидат исполнети до 10 февруари ќе се организираат блокади низ Тиквешијата.

На протестот што се случи денеска, беа истакнати транспаренти на кои напишаа дека тие бараат одржување на предвремени парламентарни избори. Денеска беше побарана откупна цена од 17,5 денари за килограм смедеревка и 18,5 денари за вранецот.

„Лозарите повеќе не можат да издржат. Доколку не се исполнат барањата, лозарите ќе бидат приморани да организираат масовни протести. За „Стефани вианрија“ ситуацијата е многу тешка. Влезена е во стечај. За сите ќе има пари освен за лозарите. Во „Повардарие“ работите се малку подобри. Бараме владата да превземе конечни мерки и да си ги добиеме парите“ рече претседателот на регионалното здружение „Напредни лозари“.

„Визбите мора да имаат склучено договор со тој фонд, по што ќе добијат лиценца за откуп. Само така белешката за откуп ќе биде хартија со вредност. Визбите нема да смеат да го стааат грозјето под хипотека додека не го исплатат откупеното грозје. Со тоа ќе се стави крај на ненавременото исплаќање“ рече Зоран Пешов, лозар од Кавадарци.