Македонија и вечерва се гуши, најзагадено вечерва е во Струмица. Мерните станици ширум земјата покажуваат дека моментално Кавадарци е најзагаден град во земјава и тоа со 360 µg/m3.

По Кавадарци, вечерва во земјава најзагадено е во Струмица со 276 µg/m3, па Битола 2 со 155 µg/m3.

Светски истражувања го ставија Скопје меѓу најзагадените градови. Поради загадениот воздух, не е мал бројот на лица заболени од респираторни болести и предвреме починати од рак на белите дробови.

Според СЗО, во Македонија 2.574 луѓе умираат предвреме секоја година како директен резултат на загадувањето на воздухот. Додека, пак, според истражување од 2019 година, водено под името „Губење години на човечки живот во големите загадени градови во Македонија“, кое е објавено во „Македонски весник за медицински науки“, се наведува дека поради неквалитетниот воздух, на годишно ниво голем е бројот на лица со респираторни заболувања и предвремена смрт од рак на белите дробови. На оваа листа по Скопје се наоѓа Тетово.

Доколку не се преземе нешто, според истражувањето „Губење години на човечки живот во големите загадени градови во Македонија“, се предвидува дека до 2050 година микрочестичките и озонот ќе станат главната причина за смртноста од загадување на животната средина во светот.