Рано утрото во цела држава се регистрирани минусни температури, а најстудено е во Берово каде се измерени – 12 степени,  по што следат Маврово со – 11, Лазарополе, Тетово и Скопје-Петровец  – 9. Во Крива Паланка, Струмица, Битола, Прилеп и Демир Капија температурата  – 8, Претор – 7, Скопје Зајчев Рид, Виница, Дебар, Куманово, Крушево – 6, Охрид и Тополчани – 5, а 0 степени во Дојран, Гевгелија, информира Управата за хидрометеоролошки работи (УХМР).

На Маврови Анови има 12 сантиметри снежна покрива, а три на Попова Шапка.

Денеска се очекува времето да биде сончево и студено особено претпладне. Ќе дува слаб до умерен северен ветер. Попладне ветерот ќе стивнува. Дневните температури ќе бидат во интервал од 1 до 8 степени.

Во Скопје, ќе биде сончево со мала локална облачност и со слаб до умерен северен ветер. Дневната температура ќе достигне до 4 степени. Ваквото стабилно време без врнежи ќе се задржи и во текот на следниот период. Времето ќе биде сончево, повремено со мала до умерена локална облачност. Минималните температури на воздухот поради релативно ведрото време ќе бидат негативни, понекаде ќе се спуштаат до околу -10 степени.