Исполнет е потребниот цензус од над 40 проценти за избор на претседател на Република Македонија во вториот круг на претседателските избори.

Македонија ќе добие нов претседател, цензусот е исполнет ! Оливер Дерковски, претседателот на Државната изборна комисија Оливер Дерковски на прес-конференција информира дека излезноста до 18:30 часот изнесува 44,50 проценти.

На досегашните пет избори за претседател на Републиката беа избрани четворица претседатели, а актуелниот шеф на државата во заминување, Ѓорге Иванов беше избран од граѓаните во два мандата.

Во 19 часот се затворија избирачките места на кои граѓаните на Република  Македонија можеа да го остварат своето право на глас, од шестите претседателски избори. По затворањето на избирачките места можат да гласаат само жителите кои во тој момент се затекнале во објектот каде што се гласа.

На 3.480 избирачки места во Република Македонија и на 32 во дијаспората на шестите претседателски избори можеа да гласаат 1.808.131 граѓанин запишани во избирачкиот список. Гласачките места беа отворени во 7:00 часот утрово.

-Излезноста на вториот круг од претседателските избори до 17:00 часот изнесува 38,23 проценти. Гласањето се одвива тековно и нема пријавено нерегуларности на гласачките места, информира на денешната прес-конференција директорот на Државната изборна комисија, Оливер Дерковски.