На денешната собраниска седница за ребалансот на буџетот говореше и пратеникот Владимир Ѓорчев, кој истакна дека во Планот на живот Владата ветувала дека Македонија ќе има просечен економски раст најмалку од 5 % во периодот на нивното владеење и кажа дека скоро сите ветувања што ги има дадено Владата во Планот за живот ги нема реализирано.
-Ова е најголемата лага која што Македонија ја видела изминативе 30 години. Ова се еден куп лажни ветувања кој што се дел од „План за живот “ во Македонија од кој што две букви нема реализирано. Ќе почнам со делот на економијата и сакам да кажам дека Македонија оваа 2018 година ќе има најмал економски раст во Европа односно раст од 1,8 %. Убедливо најслаб од 50 земји во Европа, објасни Ѓорчев.
Пратеникот Владимир Ѓорчев, продолжи дека Владата тотално потфрлила и во делот на странските инвестиции и дека единствена инвестиција со која може да се пофали Владата е отворање на сендвичара за пилешко месо.
Исто така потсети дека министерот Драган Тевдовски ветуваше раст на економијата од 3,2 % во 2018 година но секојдневно голем број на реномирани финансиски институции ја намалуваат стапката на раст на 2,1 според Европската Комисија и 1,6 % од страна на ММФ и Светска Банка што е за скоро 50 % помалку од проектираните 3,2 %.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.