Европската ракометна федерација (ЕХФ), традиционално, го објави списокот најдобри ракометари за 2018 година, на кој се најде и капитенот на македонската репрезентација, Кирил Лазаров.
Кире Лазаров иако веќе има 38 години сѐ уште не им дава на другите генерации да го земат неговото место меѓу најдобрите ракометари во светот, па со игрите прикажани на ЕП 2018 како и во Лигата на шампионите и во француското првенство ги „примора“ одговорните да го сместат во Топ-10 на Стариот континент.
Тој имаше многу добри настапи за Македонија во првата фаза од јануарскиот собир во Хрватска, со Нант стигна до финалето на ЛШ, а исто така стана и најдобар стрелец на завршните турнири од ова натпреварување во Келн.
Меѓу најдобрите има и двајца поранешни вардарци, Арпад Штербик и Алекс Душебаев, како и за Диего Симоне, Винсен Жерар, Сирил Думулан, Анди Шмид, Барте Мирхол, Недим Ремили и Сандер Сагосен.На Светското првенство во 2017 година, одржано во Франција, Лазаров бил најдобар стрелец, со постигнати 50 голови.
На 27 јануари 2012 година, Лазаров поставил нов рекорд како најдобар стрелец: На Европското првенство во ракомет за мажи 2012 што се одржало во Србија, тој постигнал 61 погодок, со што го срушил рекордот од 2002 година, поставен од Исланѓанецот Олафур Стефансон и Швеѓанецот Штефан Ловгрен на Европското првенство во Шведска од 57 погодоци.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.