Продолжениот викенд и празниците доведоа до тоа речиси секое второ македонско семејство, да го посети јужниот сосед.

Во петокот колона од возила чекаа и по половина час на граничниот премин Богородица, сите упатени кон Грција, но за жал неколкумина беа сведоци на ужасна слика. Десетици семејства За ФОКУС, изјавиле дека овие празници и овој продолжен викенд, ќе го паметат долго бидејќи буквално им преседнал и им биле уништени возилата.

Како што објави Фокус, целосно бил демолиран автомобилот на едно семејство од Кавадарци кое било сместено на Афитос, на првиот крак. Искршени стакла, ретровизор, избушени гуми, била непријатната слика која ги пречекала кавадарчани утрината кога станале… Веднаш повикале полиција и бил направен записник. Автомобилот бил паркиран на сопствениот паркинг од хотелот, но никој ниту слушнал, ниту пак видел нешто.

Според неофицијални информации на Фокус, се претпоставува дека со метален предмет било извршено дивјачкото демолирање на нивниот автомобил. 

Дел од екипта на ,,Фокус” пак, во тек на вчерашниот ден затекна неколку џипови во близина на бензинска станица пред Гевгелија, со целосно искршени стакла и ретровизори кои се враќале од продолжениот викенд во Грција. Фокус објави дека оштетените сакале да останат анонимни, и не сакале јавно да се зборува за ситуацијата.

-Нема што да се каже, еве се гледа штетата. Нема што да не фотографирате, уште да ни фаќаат сеир и да не исмејуваат ни фали. Не знаеме ни кој, ниту зошто го направил ова. Ни прекисна празникот, ама тоа е веќе завршена приказна – кратко ни изјавија.

Извор: fokus.mk