На седмото европско првенство за клубови во Солун 2019 таеквондо клуб Бутел настапи со сениорскиот тим.

Македонија се закити со европско сениорско злато. Нашиот Филип Додевски во категоријата /87 со пет победи освои златен медал.
Додевски во натпреварот во полуфиналето го победи Трабелси од Тунис кој имаше добиено бронзен медал од Светското првенство, а моментално се бори за клуб од Австрија.

Гордоста на Македонија извојува победи против: Диамантидис-Грција, Бабаевски-Русија, Антониос-Грција, Трабелси-Тунис, Драшко Јованов-Србија.

Дејан Георгиевски категорија +87кг со две победи освои сребрен медал. 
Тој победи над: Марчетиќ од Србија и Омар од Франција.
Извонредни настапи остварија и Ана марија Георгиевска, Марко Стевиќ и Иван Крстевски. Костадин Георгиевски загуби во тесна битка за медал.

Теквондо е корејска боречка вештина и национален спорт на Јужна Кореја.  На корејски тоа значи удар или блокада со ногa, квон е удар или блокада со рака и до е пат, начин или метод, значи теквондо во груб превод значи патот на раката и ногата.

Името теквондо може да се најде вo најразлични варијанти како на пр. теквон-до, те квон-до или те квон до, поради историската, филозофска или политичка основа и различноста на организациите.

Тоа е комбинација од борбена техника, самоодбрана, спорт, вежба а во некои случаи и медитација и филозофија. Во 1989 година теквондото стана една од најпопуларните боречки вештини по бројот на луѓе кои го практикуваат.