Францускиот претседател Емануел Макрон изјави денеска дека отпорот на Европа кон Русија не успеа во последните години и дека никој не сака директно да и се спротивстави на Москва. Единствената опција е близок дијалог за решавање на несогласувањата.

„Слушам отпор на сите наши партнери. Не сум луд, тоа е целосно неефикасен систем“, рече Макрон на конференцијата за безбедност во Минхен, пренесува Ројтерс.

Тој додаде дека не гледа ниту еден од неговите сојузници подготвени за соочување со Русија.

„Треба да бараме друг пристап и да го започнеме стратешкиот дијалог, затоа што денес зборуваме помалку и помалку, има повеќе конфликти и не сме во состојба да ги решиме“, рече францускиот претседател.

Поранешниот портпарол на француската влада, Бенџамин Грив, вчера ненадејно се повлече од трката за градоначалник на Париз, откако излезе компромитирачко видео од сексуална природа на Интернет.

По повлекувањето на Гривое, партијата на францускиот претседател Емануел Макрон остана без кандидат за градоначалник на локалните избори следниот месец, пренесува АП.

Грио го објави своето повлекување од трката вчера, велејќи дека тој е мета на „злобни напади“ на Интернет и социјалните мрежи.