Францускиот претседател Емануел Макрон изјави денеска дека ако резултатите од март извештајот на Европската комисија за Република Македонија и Албанија се позитивни, тие ќе го поддржат започнувањето на преговорите за нивно пристапување во ЕУ.

„Го чекаме извештајот во март, во зависност од тоа дали резултатите се позитивни и се воспоставува доверба, тогаш ќе бидеме во позиција да ги започнеме преговорите“, рече Макрон на конференцијата за безбедност во Минхен, пренесува Ројтерс

Тој исто така рече дека Европската унија треба да се разбуди, бидејќи станува континент што не верува во својата иднина.

„Ние не инвестираме доволно во нашата иднина и политички тоа е единствениот начин да се помириме со нашата средна класа”, рече Макрон на конференцијата за безбедност во Минхен, пренесе Ројтерс.

Тој рече дека би сакал да ја види Европа што може да го заштити суверенитетот, Европа која е посуштинска и Европа која е воодушевена од својата иднина.

Тој рече дека ЕУ треба да го усогласи својот буџет со амбиции за да не заостануваат САД и Кина, особено во однос на идните технологии.