Вкусна манџа со телешко месо, убав предлог за вашиот утрешен ручек.

За следниот ручек ви предлагаме да ја направите оваа чорба, прекрасна комбинација со телешко месо која нема да и одолеете.

Состојки

800гр телешка удина

1 главица сецкан кромид

2 црвени домати

2 пиперки

4 компири

1лажица црвен пипер

сол, бибер, зачин, масло, вода, магдонос

за запршка50мл масло

 1 лажичка брашно

Подготовка: 

Прво на загреано масло се ставаат парчињата телешко месо да се пржат, односно се додека не испари течноста од месото. Од кога ќе остани само на мрсното се додава кромидот и тој се запржува околу 5 минути. потоа се додаваат сецканите домати и пиперки. Се динста на тивко да испари течноста од зеленчукот.

Сега се зачинува .се додава црвен пипер, убаво се промешува и се додава околу 500-600 мл вода. се остава на тивко да крчка околу 40 минути, па се додаваат исецканите компири и се вари уште 30 минути. Пред крај по потреба се додава танка запршка од маслото и брашното.