Најмалку 63 лица се убиени, а 182 се ранети во синоќешниот напад на бомбаш самоубиец на свадба во Кабул, соопшти денеска министерството за внатрешни работи на Авганистан.

Силната експлозијата се случила во салата за венчавки „Дубаи сити“ во западниот дел од Кабул, каде живеат најголем број на припадници на малцинската заедница шиити хазари, пренесува АП.

На венчавката присуствувале стотици луѓе, а меѓу настраданите најмногу има жени и деца.

Ројтерс наведува дека никој не ја презел одговорноста за нападот, талибанците негираа дека се одговорни за експлозијата во шиитското предградие за западот на Кабул.

Претходно, авганистанското Министерство за внатрешни работи објави дека експлозијата се случила во 10.40 часот по локално време во саботата во една од свадбените сали на еден хотел во Кабул.