Масовни неодобрени протести почнаа да се одржуваат во сите области на Белорусија, а околу десет лица веќе се приведени во Минск, изјави портпаролот на Министерството за внатрешни работи на Белорусија, Олга Чемоданова.

Таа објасни дека засега демонстрантите се приведени само во Минск, но не и во другите региони.

Кордон од неколку стотици припадници на безбедносните сили, со поддршка на специјална опрема и водени топови, ја блокираше Авенијата на независност, а голема колона демонстранти се свртеа кон улицата Ленин кон Авенијата Победа, јави дописникот на Спутник од местото на настанот.

После тоа, неколку илјади приврзаници на опозицијата маршираа по Авенијата Победа кон резиденцијата на претседателот на Белорусија.

Протести во Белорусија

Масовните протести на опозицијата започнаа во Белорусија на 9 август, по претседателските избори.

Според Централната изборна комисија, актуелниот претседател Александар Лукашенко победи на изборите со 80,1 процент од гласовите. Опозицијата не ги призна резултатите од изборите и смета дека победи Светлана Тихановска.

Во првите денови на протестот, безбедносните сили користеа водени топови, солзавец, шок-бомби и гумени куршуми за да ги разбијат демонстрантите.

За време на протестот беа приведени околу седум илјади демонстранти, а неколку стотици лица беа хоспитализирани, вклучително и припадници на полицијата.