Сакам со јавноста да споделам и пренесам порака, каква одлука и казна очекувам по завршеното судење за убиецот на мојот син Пино Секондо. На 13-јули Основниот суд 1, во град Скопје ќе се искаже во врска со убиството на мојот син, кој беше свирепо убиен од страна на бегалецот Али Фуркан и соучесникот Ангела Ѓоргиевска. 

Очекувам Судот да ја почувствува сугестијата на фактите и доказите кои ги изнесе и докажа Јавниот Обвинител, дека Ангела и Али Фуркан се убијците на моето дете.

Знам и жалам што правниот поредок во Македонија не дозволува, за одземен живот на убиецот, судот да му го одземе неговиот живот.

Затоа се молам во името на правдата, не само за таа која се однесува за мојот Пино, но и за правдата која му е потребна на секој од нас, па и на вас кои го читате ова, судот на Ангела да и изрече максимална казна затвор, вели Маја Трпковска, мајката на убиеното момче Пино Секондо.

Барам да биде тргната од општеството, за да се спаси самата да не дојде во ситуација пак да го стори истото, за да се заштити секој од нас кој во контакт со таков монструм, може да стане следна жртва.

Таа денес побара да биде ослободена. Не дај Боже.

Сакам да остане запишано за да се памти и еден ден се прочита ова што го зборувам и пишувам.

Ако Ангела биде ослободена, секој учесник во таква одлука, ќе биде соизвршител во нејзиното следно убиство. Кога тоа и да се случи.

Божјите патишта некогаш не ги разбираме, но затоа ќе ја платиме цената што не сме го разбрале, вели Маја Трпковска.

Очекувам доживотна казна и ќе се борам за доживотна казна, истакна мајката на убиениот Пино Секондо, Маја Трпковска.

Пишува за Магазин: Маја Трпковска