Мајката на Пино, Маја Трковска се огласи повторно на Фејсбук и напиша порака до осомничените.

Маја Трпковска, мајката на убиениот Пино, пред неколку дена беше повикана на распит во обвинителството во Скопје. Во изјава за медиумите, Трпковска додаде дека досега немала добро искуство со припадниците на полицијата, велејќи дека и спуштале слушалка и и го блокирале телефонот кога ги барала за информации.

Трпковска повторно се огласи на социјалните мрежи и напиша за убијците на Пино дека нема да постојат. Таа напиша дека им посакува затвор, бидејќи тоа заслужуваат.

Ова е нејзиниот Фејсбук статус:

АНГЕЛА ЃЕОРЃИЕВСКА i ALI FURKAN vi posakuvam da ne ve vidam nitu sretnam nikogas vo zivotot! Ocite ke vi gi izvadam kopilinja SATANICKI!!! KE LEZAM VO ZATVOR AMA VIE NEMA DA POSTOITE! Vi posakuvam samo zatvor… tamu e naj sigurnoto mesto za vas site!!!

Таа исто така упати порака дека сака да ги види родителите на убијците од Пино на колена пред нејзината куќа.

„2 дена ви давам. Сакам да ве видам кај мене во двор на коленици и да барате да ви простам. Родители на Ангела Горгиевска и родители на Али Фуркан ако не се појавите, два дена ви давам време, после ќе биде око за око. заб за заб, к*в за к*в. Знам дека ме читате и пратите“, стои во објавата на Фејсбук.

Осомничени се две лица, а во домот на првопријавениот пронајдени се СИМ картици, лични документи, мобилен телефон, УСБ, мемориска картица, една фантомка и возило Опел Аскона.

По Ф.А. распишан е централен распис од полицијата. На 30.05.2019 година второпријавената А.Ѓ. е лишена од слобода во просториите на СВР Скопје, се вели во соопштението на Министерството за Внатрешни Работи.

Според неофицијални сознанија осомничениот за убиството на Пино е од Арачиново, исто така младо момче за кое обвинителство и полицијата тврдат дека пукал во главата на Секондо.